Zunnepitten
Vincent van Gogh schildern geerne zunnebloomn. Ziene schilderiejen van zunnebloomn bunt beroemd worden duur de vrolijkheid en de kracht dee zee oetstraalt. Hee schilderden zölfs oetgebleujde zunnebloomn!.
Dee zunnebloomn – sommige Twentenaren neumt ze zunnepitten - doar kö’j heel völle met doon!
A’j dee zoädjes van de zunnebloom in meert in thoes in nen pot met earde zeait, dan komt der kleane plaanten op. Dee kö’j in april in ’n tuin zetten, ongeveer 45 cm oet mekaar.
Iej könt de zoädjes in april of mei ok gewoon in ’n tuin zeaien. Dan mo’j ze later nog wal wier as plaante wat wieter oet mekaar potten.
In augustus bleuit der dan prachtige zunnebloomn in ’n tuin. Zunnebloomn kiekt altied richting de zunne. Grappig hé? As de zunnebloomn bleuit wordt ze bezocht duur heel völle insecten.
In ’t hatte van de zunnebloom kö’j noa ’n bleui de zunnepitten zeen zitten. As de bloomn van de zunnebloom begint te hangen, dan wordt het tied um em of te snieden.
Knip de bloomn met vief centimeter van ’n stengel of en hang ze op ’n kop in de schuur. As ’n kop dreug genog is kö’j de zoädjes droet halen.
Zo’n dreuge zunnebloomnkop (met de zoädjes der nog in) kö’j an ’n touw in ’n boom hangen.
A’j de zoädjes droet haalt, kö’j ze in nen appel prikken. ’n Touwtjen drumhen en an nen tak hangen. De veugel zölt ’t geerne lusten!
Moar iej könt de zoädjes ok lekker zölf opetten! Lekker duur ne salade of duur ’n yoghurt.
Umzet duur: Marlies Nijhuis, Kreenk vuur de Twentse Sproak
Twents Buurse/Hoksebarge
